बारा, नेपाल – बारा जिल्लाको महागढिमाई नगरपालिकामा राष्ट्रिय स्वतन्त्र पार्टी (रास्वपा) को प्रभाव दिन प्रतिदिन बढ्दै गएको छ। स्थानीय तहमा हुने आगामी निर्वाचनलाई लक्षित गर्दै रास्वपाले आफ्नो संगठन विस्तारलाई तीव्र बनाएको छ।
नगरका विभिन्न वडामा जनसम्पर्क, घरदैलो अभियान र राजनीतिक भेला गर्दै पार्टीले जनताको ध्यान आकर्षित गरिरहेको छ। रास्वपाका समर्थकहरू “बन्दै छ रास्वपा, बढ्दै छ रास्वपा” भन्ने नारासहित सक्रिय देखिएका छन्।
महागढिमाई नगरपालिका अहिले ‘घण्टीमय’ बन्दै गएको स्थानीय राजनीतिक विश्लेषकहरू बताउँछन्। घण्टी चुनाव चिन्ह भएको रास्वपा प्रति युवाहरू, महिला तथा नयाँ मतदाता वर्गको आकर्षण देखिएको छ।
पार्टी नेताहरूले स्थानीय विकास, पारदर्शिता, भ्रष्टाचारविरुद्धको दृढ अभियान र नयाँ राजनीतिक संस्कृति ल्याउने प्रतिबद्धता जनाउँदै आएका छन्।
स्थानीय बासिन्दाले पनि परम्परागत दलप्रति निराशा व्यक्त गर्दै नयाँ विकल्पको खोजीमा रहेको बताएका छन्। यसले रास्वपालाई महागढिमाई नगरपालिका लगायत बारा जिल्लामा बलियो उपस्थिति बनाउन सहयोग पुगेको छ।
