न्यूजिल्याण्ड, जुलाई २६, २०२५ – नेपाली संगीत जगतका ख्यातिप्राप्त गायक राजु लामा नेतृत्वको लोकप्रिय ब्यान्ड मङ्गोलियन हर्ट आगामी अगस्ट २०२५ मा न्यूजिल्याण्ड टुरमा आउने भएका छन्। Sambandha Events को आयोजनामा हुन लागेको यो टुरले न्यूजिल्याण्डका तीन प्रमुख शहरहरूमा भव्य सांगीतिक कार्यक्रम प्रस्तुत गर्नेछ।
टुर अन्तर्गत हुने कन्सर्ट मिति र स्थानहरू यसप्रकार छन्:
- 📍 २ अगस्ट २०२५ – Christchurch
- 📍 ८ अगस्ट २०२५ – Auckland
- 📍 १० अगस्ट २०२५ – Tauranga
कार्यक्रमको औपचारिक नारा “Bond that goes beyond – सम्बन्ध ❤️” राखिएको छ, जसले प्रवासमा रहेका नेपालीहरूलाई संगीतमार्फत भावनात्मक रूपमा जोड्ने प्रयास गर्दछ।
टिकट बिक्रीको जिम्मा Aafno Ticket Nepal ले लिएको छ, जहाँबाट चाँडै टिकट बुकिङ खुला गरिने आयोजकले जानकारी दिएका छन्।
यो टुरले नेपाली संगीतप्रेमीहरूलाई आफ्ना प्रिय कलाकारहरूसँग प्रत्यक्ष जोड्ने दुर्लभ अवसर प्रदान गर्नेछ। राजु लामाको दमदार स्वर, भावपूर्ण गीतहरू र मङ्गोलियन हर्टको ऊर्जा भरिएको प्रस्तुति नेपाली समुदायबीच लामो समयसम्म सम्झनलायक बन्ने अपेक्षा गरिएको छ।
Sambandha Events का प्रतिनिधिले भने, “हामी न्यूजिल्याण्डमा नेपाली सांगीतिक वातावरणलाई अझ समृद्ध बनाउन निरन्तर लागिरहेका छौं। यो टुरले हाम्रो प्रयासलाई नयाँ उचाइमा पुर्याउने विश्वास लिएका छौं।”
कार्यक्रममा थप जानकारी तथा टिकट बुकिङका लागि Sambandha Events को आधिकारिक फेसबुक पेज र www.aafnoticket.com हेर्न सकिनेछ।
