Category: घटना

सोमबार बिहान काठमाडौंबाट पोखराका लागि उडेका यति एयरलाइन्स र श्री एयरका विमान काठमाडौं नै फर्किएका छन् । त्रिभुवन विमानस्थलबाट उडेका विमान पोखरा अन्तर्राष्ट्रिय विमानस्थलको सञ्चार उपकरणमा समस्या भएपछि काठमाडौं नै फर्किएका हुन्

बाराको कलैया उपमहानगरपालिका–१४ मा सोमबार बिहान मोटरसाइकलको ठक्करबाट साइकल चालक गम्भीर घाइते भएका छन् ।  कलैया उपमहानगरपालिका–१४ का अन्दाजी ५५ वर्षीय जोखु साह तेली घाइते भएका हुन् । घाइते भएका उनको एलएस न्यूरोअस्पताल पर्वानीपुरमा उपचार भइरहेको जिल्ला प्रहरी कार्यालय बाराले जनाएको छ ।  कलैयाबाट बरियारपुरतर्फ जाँदै गरेको साइकललाई सोही दिशातर्फ जाँदै गरेको मधेस प्रदेश २–०३–२३ प ९७ ८४ नम्बरकोमोटरसाइकलले बिहान ९ बजे पछाडिबाट ठक्कर दिएको थियो ।  ठक्कर दिने मोटरसाइकल चालकलाई नियन्त्रणमा लिइएको जनाएको छ । 

धनगढी- बझाङमा २८ वर्षीया महिलालाई जबरजस्ती करणी गरेको आरोपमा एक नाबालक पक्राउ परेका छन्। जबरजस्ती करणीकाे आराेपमा १३ वर्षीय नाबालक पक्राउ परेका हुन्। बझाङ छबिसपाथिभेरा गाउँपालिका-१ सुङ्ला बस्ने एक अपांग महिलालाई आइतबार दिउँसो ३ जबरजस्ती करणी गरी फरार भएकासोही ठाउँका एक नाबालकलाई आइतबार राति पक्राउ गरिएको हो। ती महिला अल्जाइमरबाट पीडित थिइन्। जबरजस्ती करणी गरी फरार भएका नाबालकलाई प्रहरी पोष्ट बगडगाँउबाट प्रहरी हवल्दार वीरबहादुर नाथको कमाण्डमा खटिएकोटोलीले बालुवाटार नजिक पुरानो घरमा लुकेको अवस्थामा पक्राउ गरेको हो। बुबाको निधन भइसकेको र आमा आइतबार नै घर बाहिर गएका बेला नाबालकले जबरजस्ती करणी गरेकाे खुल्न आएकाे छ।

वीरगन्जस्थित बाल सुधार गृहमा झडप भएको छ । मंगलबार बेलुका दुई पक्षबीच झडप हुँदा ३ प्रहरी र ११ जना कैदी बन्दी घाइते भएका छन् । बुधबार बिहान स्थिति सामान्य भए पनि प्रहरीहरूको सुरक्षा सतर्कता कडा बनाएको पर्साका प्रहरी उपरीक्षक कोमल साहले जानकारी दिए ।  उक्त बालसुधार गृहमा भक्तपुरबाट लगेकासहित १४९ जना कैदी बन्दी रहेका छन् […]

गुल्मी – गुल्मी अस्पतालमा उपचारका क्रममा बालिकाको ज्यान गएको विषयमा छानबिन गर्न समिति गठन भएको छ । घटनाबारे सत्य/तथ्य छानबिन गर्न सहायक प्रमुख जिल्ला अधिकारी हरिप्रसाद गैरकाे संयोजकत्वमा समिति गठन भएको हो । अर्घाखाँचीको छत्रदेव गाउँपालिका–७ काउलेकी प्रशंसा मरासिनीको उपचारका क्रममा आज मङ्गलवार ज्यान गएपछि गुल्मी अस्पताल तनावग्रस्त बनेको थियो । गुल्मी अस्पतालका निमित्त मेडिकल […]

बेलायतमा एयर ट्राफिक कन्ट्रोलको सिस्टममा आएको खराबीका कारण हजारौं हवाई यात्रु समस्यामा परेका छन् । बीबीसीका अनुसार बेलायतको एयर ट्राफिक कन्ट्रोलमा आएको प्राविधिक समस्याका कारण हजारौं उडान रद्द भएका छन् भने उडान ढिला भइरहेका छन् । बेलायतमा एयर ट्राफिक कन्ट्रोल गर्ने नेटले उडानसँग सम्बन्धित योजना प्रणाली बिग्रिएको बताएको छ । जसका कारण अब उडानको योजना […]